Категорії новин

Digest 132 4 ліпеня 2022 г. Расейскія ваенныя злачынствы ва Украіне Факты і доказы

3 чэрвеня расейскія агрэсары абстралялі сяло Бязрукі пад Харкавам. Загінула трое мірных жыхароў, адзін паранены. Пяцёра мірных жыхароў пацярпелі ў іншых раёнах Харкаўскай вобласці. За апошні тыдзень (27 чэрвеня – 3 ліпеня) у выніку расейскіх абстрэлаў у Харкаўскай вобласці загінула 30 мірных жыхароў.

Крыніца: гарадскі галава Дэргачова, кіраўнік Харкаўскай абласной вайсковай адміністрацыі, кіраўнік следчага аддзела Упраўлення нацыянальнай паліцыі ў Харкаўскай вобласці.

3 ліпеня двое мірных жыхароў пацярпелі ад расейскага касетнага боепрыпасу падчас сельскагаспадарчых работ у вёсцы Заградзіўка Херсонскай вобласці. Адзін з іх быў смяротна паранены.

Крыніца: Паўднёвае аператыўнае камандаванне.

Расейскія агрэсары працягваюць масіраваны абстрэл, наносяць удары з паветра і робяць спробы наступлення ў Данецкай вобласці. 3 чэрвеня не менш як дзевяць мірных жыхароў загінулі, 25 атрымалі раненні. Загінула двое дзяцей. Краматорск і Славянск, якія з’яўляюцца найбуйнейшымі гарадамі на падкантрольных Украіне тэрыторыях, былі атакаваны расейскай РСЗА.