Категорії новин

Дайджэст 124 26 чэрвеня 2022 г. Расейскія ваенныя злачынствы ва Ўкраіне Факты і доказы

расейскія агрэсары працягваюць моцныя абстрэлы, авіяўдары і спробы наступу ў Данецкай вобласці. 25 чэрвеня прынамсі трое мірных жыхароў былі забітыя, яшчэ двое былі параненыя. Ваенныя дзеянні працягваюцца.

Крыніца: старшыня Данецкага абласнога ваеннага ўпраўлення, пракуратура Данецкай вобласці, Упраўленне нацыянальнай паліцыі ў Данецкай вобласці.

25 чэрвеня расейскія захопнікі нанеслі серыю ракетных удараў па горадзе Сарны Ровенскай вобласці. Прынамсі чацвёра мірных жыхароў загінулі, яшчэ чацвёра атрымалі раненні.

Крыніца: старшыня Ровенскага абласнога ваеннага ўпраўлення.

26 чэрвеня расейскія агрэсары нанеслі шэсць ракетных удараў па жылых раёнах Кіева. Загінуў мірны жыхар, яшчэ шасцёра атрымалі раненні. Пацярпелі жылы дом, а таксама дзіцячы садок. Сярод пацярпелых была дзяўчынка; яна мае сур’ёзныя траўмы. Адну з ракет раней назіралі над Паўднёва-Ўкраінскай электрастанцыяй у Мікалаеўскай вобласці; таму гэты ўдар таксама трэба разглядаць як акт ядзернага тэрору з боку расеі.

Крыніца: мэр Кіева, шпіталь Ахматдыт, Украінская праўда, Дзяржаўная служба па надзвычайных сітуацыях Украіны.

26 чэрвеня расейскія агрэсары нанеслі серыю ракетных удараў па прыгарадах Чаркасаў ў цэнтральнай Украіне. Загінуў мірны жыхар, яшчэ пяцёра атрымалі раненні.

Крыніца: начальнік Чаркаскага абласнога ваеннага ўпраўлення.

25 чэрвеня ў Харкаўскай вобласці ў выніку расейскіх абстрэлаў загінуў мірны жыхар, яшчэ сямёра атрымалі раненні. Разбураны спартыўны комплекс аднаго з універсітэтаў Харкава. З пачатку поўнамаштабнага расейскага ўварвання ў рэгіёне не было спакойных дзён.

Крыніца: старшыня Харкаўскага абласнога ваеннага ўпраўлення.