Категорії новин

Украінскія штодзённыя перамогі. 13.11.2022 Навіны Украінскай Жаночай Гвардыі

⠀⠀ Вызваленне Херсона ад расейскай акупацыі! Горад святкуе трэці дзень! У Херсоне з’явілася Мабільная сувязь. На правым беразе Дняпра ў Херсонскай вобласці з пачатку тыдня дэакупаваныя 179 населеных пунктаў на плошчы больш за 4,5 тысячы квадратных кіламетраў.

⠀⠀• Кінбурнская каса вызваленая да вёскі Геройскэ. Кінбурнская каса ў Мікалаеўскай вобласьці вызваленая ад расейскіх акупантаў да вёскі Геройскэ.

⠀⠀ Што вядома пра Кінбурнскую касу. Узброеныя сілы расеі цягам кастрычніка запускалі іранскія беспілотнікі-камікадзэ з касы над Мікалаевам, Ачакавам ды іншымі аб’ектамі. Для гэтага выкарыстоўваліся мабільныя пускавыя ўстаноўкі для беспілотнікаў. У гэтым жа раёне і ў населеных пунктах каля базы касы Узброеныя сілы Украіны ў кастрычніку здолелі знішчыць іранскіх ваенных спецыялістаў, якія вучылі расейцаў працаваць з так званымі «геранямі».

⠀⠀• Ва Украіне пабудуюць малы модульны рэактар. Пра гэта дамовіліся Кіеў і Вашынгтон падчас канферэнцыі ААН па клімаце, паведаміла амбасадар Украіны ў ЗША Аксана Маркарава.Малыя модульныя рэактары – гэта канструкцыі, меншыя па памеры, чым звычайныя ядзерныя рэактары. Іх можна пабудаваць ц адным месцы, а затым перавезці, увесці ў працу і эксплуатаваць на асобнай пляцоўцы.

⠀⠀• Новы брытанскі прэм’ер-міністр Рышы Сунак абяцае кінуць выклік рэжыму Пуціна. Цытата: “Гэты саміт G20 не будзе “бізнэсам як звычайна”. Мы кінем выклік рэжыму Пуціна і выкрыем іх пагарду да міжнароднага супрацоўніцтва і павагі да суверэнітэту, якія прадстаўляе форум G20″, — сказаў Сунак перад ад’ездам у Інданезію.

⠀⠀• Украінскіх вайскоўцаў працягваюць трэніраваць. Шведскія інструктары навучаюць украінскіх навабранцаў у Вялікабрытаніі.

⠀⠀• Прэзідэнт Паўднёвай Карэі заявіў, што павялічыць гуманітарную дапамогу Украіне. Уварванне расеі ва Украіну з’яўляецца парушэннем міжнароднага права і пагрозай жыццю і правам украінцаў, заявіў Юн Сок Ёл у нядзелю ў кулуарах саміту Паўднёва-Усходняй Азіі ў Камбоджы. Ён сказаў, што варта паважаць суверэнітэт, тэрытарыяльную цэласнасць і палітычную незалежнасць Украіны і што Паўднёвая Карэя працягне павялічваць гуманітарную дапамогу гэтай ахопленай вайной краіне.

⠀⠀• ЗША рыхтуюць новы пакет ваеннай дапамогі для Украіны. Пра гэта будзе абвешчана ў бліжэйшыя тыдні, паведаміў дарадца прэзідэнта ЗША Джэйк Саліван.

⠀⠀• Люксембург накіраваў ва Украіну 30 3D-сканераў, з дапамогай якіх можна сканаваць вялікія тэрыторыі і збіраць доказы ваенных злачынстваў, здзейсненых расейцамі. Пра гэта паведамляе RTL Today.

Матэрыялы падрыхтавала Алена Білецка

Ukrainian Women’s Guard

SUPPORT US